水門泰式海南雞飯專門店 (已結業)

除咗冬陰功同金邊粉，去泰國另一樣必食之選一定係泰式海南雞飯！😋​雖然而家去唔到泰國，但本地都可食到好正宗嘅泰式海南雞飯！好似元朗水門泰式雞飯專門店，雞夠滑嫩，雖然未去到新加坡嘅海南雞咁滑，但勝在肉味夠濃，配埋辣椒醬，成件事好惹味！​因為減肥關係，今次我只係叫了例牌（少於半隻雞），無要到個飯，但其實佢哋個飯都好值得食，會用浸雞嘅湯去煮，米飯散發濃濃雞味，鮮甜十足！非常推薦！另外，我鍾意佢嘅海南雞下面都附送沙律，配料有青瓜、青木瓜、 蕃茄同洋蔥，個醬汁偏酸，微辣，好鬼開胃！P. S. 呢度泰式海南雞飯都會去埋骨，去骨功序好多，但一份例牌雞都係HK$45，整體CP值都 ok。​