鼎味火鍋 (已結業)

啱啱見千色附近開咗間食任食火鍋嘅，自己一個經過都冇諗住入去食，點知睇到個餐牌寫住有素食火鍋，自己平時都有食素嘅習慣，加上睇到佢而家新開張優惠全單88折咁就諗住入去試吓啦。食落去味道又OK喎，湯底好友芫荽味，但係味道又唔會重過頭，真係適合素食者。另外佢仲有幾十款素食食材，有淮山、響鈴、有機豆腐、麵筋、鮮腐竹、芋絲、秋葵、絲瓜、苦瓜、冬瓜、南瓜、粟米、蓮藕片、蕃茄、蘿蔔、西洋菜、菠菜、娃娃菜、萵筍，總之都幾多選擇。鍾意食素嘅朋友不過可以過嚟呢間小店試吓，咁當然佢另外仲有一啲火鍋佢適合啲非素食者㗎啦，睇到個餐牌仲有一啲養生鍋，例如花膠雞鍋丶胡椒豬肚鍋，咁當然有啲平民小小嘅蕃茄魚鍋同埋麻辣鴨血鍋，食完埋單$150仲要唔收加一，真心食得過，而且啲員工仲好有禮貌