勤記潮州食家

营业中

休息中

今次邀請到元朗居民帶我食盡元朗美食，佢就介紹咗我嚟呢間老牌嘅潮州店勤記。首先講蠔仔粥，蠔仔多到不得了，而且隻隻鮮味！加埋湯底好有胡椒味道，辣辣地非常惹味，我覺得係我食過最好食嘅蠔仔粥！一大鍋，我哋好快就清晒。南薑雞翼一碟三隻全翼，炸到金黃色卜卜脆，但雞翼裏面都仲好多汁，都好多人食。我自己覺得算濃味，食一隻就夠。另外試咗胡椒豬肚湯，足料亦好夠火喉。本來仲想試佢個聽聞係老闆特製，鎮店香炸腐皮脆肉卷，可惜試唔到，希望下次有機會。絕對會再嚟幫襯。