8號茶居 (順發樓) (已結業)

今晚一行2人去了在元朗西巴士總站旁邊的「8號茶居」，呢間係食中式點心，感覺就算係好新派。今晚點了5個點心，蝦餃皇、鳳爪、咖哩蒸土魷、綿花雞同埋黃鱔蒸飯，每個點心都頗具質素，我比較喜歡就係黃鱔蒸飯、綿花雞同埋蝦餃。先講個黃鱔蒸飯，黃鱔整得好入味，黃鱔汁滲落白飯裡面，非常好味，性價格都幾高。綿花雞，呢度係用藥繕煮法，比較特別嘅處理方法，魚肚同雞肉配合藥繕湯底，完全無違和感。最後梗係講下飲茶點少得嘅蝦餃，蝦餃大大粒，蝦都好新鮮。今晚好滿足，埋單216蚊，食物質素唔錯，係元朗飲夜茶嘅一個好去處。