極尚大瀛喜日本料理

营业中

休息中

嚟呢間日式料理放題餐廳好方便，搭地鐵嘅西鐵綫喺元朗站出閘，直接可以去到Yoho Mall，唔駛驚日曬雨淋。去到餐廳門口見到好多人，仲有告示話今日全日已經預約滿座，好在我有做booking，所以即刻有位坐。呢度好多嘢食同埋好多選擇，連久違了有羊味嘅羊架都食到。呢款清酒煮蜆夠新鮮，個賣相睇落去乾淨清澈透明，蜆肉入口夠滑。仲有我至愛嘅鰻魚件，食完一個round之後可以再叫多個round，呢個就係食放題嘅優點。燒牛舌都好味道，因為我比較喜歡牛舌爽口嘅部位，而呢度啱啱就係用呢個部位嚟燒，啱哂我口味。仲有個炒咖哩蟹，我叫左一份，居然有半隻蟹上枱，可以大啖大啖食。今次我仲食左多款甜品，乳酪，雪條，puff等等。其中呢款朱古力迷你tart 朱古力味濃同埋咬入口發現佢𥚃面有不同口感，好好味。