麴町 (已結業)

元朗的麴町小丸子也挺出名的，不竟專食小丸子的店不多，而且呢度有好多款口味，每一款口碑也不錯。近日得悉店主有意頂讓，即刻要黎食一波。小店經常有貼字，襟章，明信片等，自由定價。放工趕過黎買，差不多十點了，好好彩趕得切。依舊係買左原味六粒，雖然其他口味都好多人讚，但每次走到埋櫃檯就會買左原味，好似有股魔力咁，哈哈。全部都係即叫即整，所以啲小丸子熱辣辣，外脆內軟，每一粒都有魷魚腳，軟綿綿的口感真係好正，仲要多醬又係好好味，點解會有人走醬㗎？！勁鍾意多醬呀。希望店主唔好唔做啦，好食嘅小丸子買少見少呀～