松記燒鵝飯店 (已結業)

今日入元朗搵個朋友食飯，問吓佢有咩好介紹，佢話元朗一定係去食松記燒鵝。搭西鐵入元朗行路過去都係5分鐘左右，都幾近西鐵站又方便，可能星期六去到坐到滿晒人，我諗食物都有保證啦。去到松記燒鵝冇理由唔食燒鵝，燒鵝真係好好味啲皮燒到好香，咬落去又多肉汁，諗起都流口水，好味過太興嗰啲多多聲。跟住個豉油王蝦又係好好味，又香啲肉又爽。去大排檔一定要試吓佢個炒蜆，一食就知呢間嘢有料到，夠晒火候去炒，整體來講十分滿意。呢間鋪頭個老闆好好客，仲會同你飲下啤酒，係九龍區搵唔到，如果鍾意食燒鵝嘅人，一定要去試吓