燒蝦蝦 (金福閣） (已結業)

相信大家都好掛住泰國天堂，今日竟然比我止到渴，好似置身咗係泰國一樣，有得放題無限量食海鮮，元朗燒蝦蝦除咗岀名流水蝦，仲有唔同款式嘅海鮮供應， 作為海鮮控，真係超級大滿足！依到任飲任食包括：新鮮流水蝦+海鮮+自助串燒燒烤四周有長長嘅大魚缸，隻隻蝦都好生猛好新鮮，冰水浸暈佢地．即燒，有得玩有得食！啱晒一家大細嚟！再出去自助區攞嘢食👍🏼海鮮檔口選擇好豐富，有職員長期喺度不停劏海鮮，有多款原條魚丶扇貝丶大蜆丶鮑魚丶蠔丶貴妃蚌⋯大蜆超鮮甜我好鍾意💗另外，燒蠔都好正！而鮑魚要剝咗殼用鉸剪剪咗舊肉出嚟先燒，如果唔係好容易燒到卜卜聲成舊彈起🤭另外，肉類同蔬菜嘅串燒，選擇都超豐富，金菇肥牛卷丶羊扒丶豬髀仔丶雞翼丶丸類丶南瓜丶開邊茄子丶小番薯⋯超多選擇！我最鍾意燒菠蘿🍍勁多汁。旁邊有少少熟食，仲有一個可以焯菜/烏冬嘅涮涮區。有2個半鐘吃，真係很開心很滿足，食到捧住個肚👍🏼