B-mix 燒肉餐酒館 (已結業)

油甘魚鮫好少燒烤會有油甘魚魚鮫，食落其實都幾多肉，燒完鎖到魚汁唔會太乾，肉質結實，好香油脂。極上牛肉粒油花均勻，入口juicy有濃濃嘅肉味。安格斯牛頸脊有細密的油脂紋路，吃起來口感油潤有韌勁，鮮美多汁滿油脂香。柚子胡椒蜜糖五花肉五層肉油脂最多，烤到迫左油出來，邊位焦香，配柚子醬甜甜地幾好食，夾埋生菜小菜一齊食好滿足。薩摩赤雞腿肉薩摩赤雞腿肉肉質鮮美，結實有彈性，燒熟後，餐廳提供的檸檬汁、燒烤汁同鹽，各有各風味。食左咁多肉，要叫蔬菜感覺健康啲，雞髀菇、超甜粟米、砵仔蒜蓉牛油野菌，只要整盒放到爐上燒即可，份量非常多，香味撲鼻。B-MIX丼飯有一隻溫泉蛋，飯面還鋪滿了脆脆的紫菜碎，撈埋一齊幾好食。特大新鮮果茶魔幻百香果茶有百香果酸中帶甜，好開胃令燒肉冇咁膩。