小曼谷泰國美食 (教育路) (已結業)

又到元朗，行到教育路，被『小曼谷泰國美食』呢個醒目招牌吸引入咗去，初時冇咩人，因為啱6點，到離開時就多咗人，差唔多坐滿晒。『牛油蒜蓉燒紐西蘭青口』為是日的前菜，賣相唔錯，除咗牛油蒜蓉，青口面仲有好多脆卜卜的細魚仔，更加香口，又多咗層口感。『泰式拼盤』(細份)其實都幾大份，有4樣嘢，每樣2件，都可以計為一份主食，好明顯細食嘅人係食唔晒嘅。『泰式濕炒海鮮米粉』，濕炒幾乎成為呢個夏天我必叫的食物，海鮮有蝦，有帶子，有鱿魚，配菜有秀珍菇，有芥蘭，有紅羅卜，豐富有營養又好味。『小曼谷原隻芒果糯米飯』亦係食泰國菜經常嗌嘅甜品，用咗成隻芒果幾揼本。