小曼谷泰國美食 (教育路) (已結業)

難得今日放假，媽咪一早提議話去元朗買老婆餅食，順便去行吓街，買完嘢都有啲肚餓啦，咁就見到原來元朗都開咗小曼谷，我哋平時都好鍾意食泰國嘢㗎，成日都去九龍城嗰間分店食，週末都有做下午茶餐同午餐優惠，都好抵食👍🏻💠午餐set Lunch set嗌咗個泰式鮮蝦炒金邊粉，加$29有個細嘅泰式酸辣鳳爪，餐飲叫咗泰式凍奶茶。金邊粉嘅份量都好多，都唔會話係lunch set所以細咗，鳳爪都有好多舊，好抵食！泰式凍奶茶叫咗少甜少冰，都唔會話好甜好啱我哋飲💠風味燒豬頸肉我哋平時都好鍾意食豬頸肉，呢一份一上檯真係嚇親，好大份！我哋兩個人都要食到最後先食得晒，性價比好高，燒得好香脆唔會老，配嘅醬汁酸酸辣辣好惹味💠泰式飛天炒通菜每次食泰國嘢都必叫炒通菜，今次炒得好新鮮，另外仲加咗辣，好啱我哋平時都鍾意食辣嘢，炒得好惹味，蒜蓉同辣椒都落得好夠！💠串燒仲叫咗啲串燒，有牛肉、雞全翼同埋牛舌，牛肉唔會燒到好韌，保留到佢嘅肉汁好Juicy！燒雞全翼燒到外皮好香脆，食落仲係熱辣辣，卜卜脆！而牛舌一串都有四片，唔會好老，配埋佢哋嘅秘製沙嗲汁好開胃！💠椰汁冰另外仲叫咗一杯椰汁冰，口味都係叫咗少甜少冰，飲落好fresh好清新，好