886巷 (已結業)

放工肚餓經過元朗886巷食店，裏面有多款台灣美食選擇包羅萬有，見到餐牌每樣都想試少少🤤就外賣了幾款返屋企慢慢享受！台灣大腸包小腸是一種台灣的傳統小吃，香腸燒得香脆可口再夾入煙煙韌韌的糯米飯加入特色醬汁，超美味。漿爆雞皮卷外皮微脆香口，咬落多汁肉質爽口帶嫩滑，美味可口。地瓜條/黃金芋圓頭地瓜條炸得脆卜卜，芋圓熱辣辣香噴噴，芋泥甜甜地超好食🤤葱抓餅葱味好香好惹味，每一片好薄一啖一口，食唔停。紅豆捲餅好薄好大塊，煙煙韌韌，當甜品食不錯👍九份手工仙草芋圓最鐘意食仙草芋圓，芋圓口感軟綿綿，仙草涼浸浸，絕配👍最後飲埋杯降脂有機蘋果醋，酸酸地解膩一流！