影片
更多
2023-11-13
67 浏览
好耐冇食日式放題，今日近近地去左元朗緣聚食。餐廳裝修以西日式風格設計，一邊設有卡位，而另一邊設有榻榻米，好有日式風格，而且環境寬敞，坐得舒適。午市時段$248，另可升級$190 （全131品），另加一服務費。131品好多選擇，有刺身、壽司、燒物、手卷、沙律、素料理、海鮮、鍋物、天婦羅、串燒、甜品。最正就係有即開時令生蠔，生蠔淡淡海水味，容易入口，鮮甜質地，加點檸檬汁，令生蠔鮮味更提升。刺身刺身有赤蝦、甜蝦、三文魚、北寄貝、八爪魚、吞拿魚、帶子、深海池魚、黑鯛薄切，刺身新鮮，其中赤蝦大大隻，爽口，三文魚肥美，質素相當不錯。壽司、手卷每件壽司都細細件，可以試多幾件唔同款，醋和飯比例剛剛好，飯不會壓得太實，不易散開。天婦羅、炸物新鮮熱辣辣炸起，天婦羅炸得香脆，不會太過油膩，最正有榴連炸彈，唔食榴連都有流心朱古力炸彈，外層脆卜卜，中間流心朱古力，朱古力味濃郁，我地encore 左好多次。前菜、熱食、串燒有芝麻八爪魚、枝豆、蟹肉茶碗蒸、蒜香牛油粟米、魚生辣冷麵等等，好耐冇食魚生辣冷麵以種味道，係回憶呀，今日終於食返，好懷念，我地encore 左幾次。最後食得實在太飽，甜品、雪糕都有多款選擇，我地
餐廳裝修以西日式風格設計，一邊設有卡位，而另一邊設有榻榻米，好有日式風格，而且環境寬敞，坐得舒適。
午市時段$248，另可升級$190 （全131品），另加一服務費。131品好多選擇，有刺身、壽司、燒物、手卷、沙律、素料理、海鮮、鍋物、天婦羅、串燒、甜品。
最正就係有即開時令生蠔，生蠔淡淡海水味，容易入口，鮮甜質地，加點檸檬汁，令生蠔鮮味更提升。
刺身
刺身有赤蝦、甜蝦、三文魚、北寄貝、八爪魚、吞拿魚、帶子、深海池魚、黑鯛薄切，刺身新鮮，其中赤蝦大大隻，爽口，三文魚肥美，質素相當不錯。
壽司、手卷
每件壽司都細細件，可以試多幾件唔同款，醋和飯比例剛剛好，飯不會壓得太實，不易散開。
天婦羅、炸物
新鮮熱辣辣炸起，天婦羅炸得香脆，不會太過油膩，最正有榴連炸彈，唔食榴連都有流心朱古力炸彈，外層脆卜卜，中間流心朱古力，朱古力味濃郁，我地encore 左好多次。
前菜、熱食、串燒
有芝麻八爪魚、枝豆、蟹肉茶碗蒸、蒜香牛油粟米、魚生辣冷麵等等，好耐冇食魚生辣冷麵以種味道，係回憶呀，今日終於食返，好懷念，我地encore 左幾次。
最後食得實在太飽，甜品、雪糕都有多款選擇，我地只點忌廉焦糖布丁。
飲品除了出面的自助櫃之外，亦有梳打特飲、熱飲，連啤酒都係任飲。
张贴
