影片
更多
2025-05-20
55 浏览
今晚我們一家大細去咗元朗搵食，本來想食放題，但老婆話要食精啲，見到呢檔嘢新開，入去試下先😌環境：地方夠大，有日式卡座，牆身貼左啲日本背景海報，都好舒服。地方亦乾淨企理，唔錯。服務：服務員態度親切,年輕有幹勁，又有禮貌，主動介紹食物。當我哋叫到全枱都係嘢食嗰陣，，其中一個服務員主動加張枱俾我哋放食物，非常細心😍食物：三文魚腩壽司：雖然唔算好肥，但夠新鮮，而且大塊，口感好好，長長嘅魚腩摺疊放入口，好滿足。👍👍鰻魚壽司：醬汁唔會太濃，唔會搶晒鰻魚嘅油脂味，食到鰻魚嘅香👍蟹柳壽司：我個囡食，佢淨係話好好食😂法式燒羊排：五六成熟，鎖到肉汁，但又嫩口，羊排自帶嘅脂肪，令到香味濃，口感豐富👍👍👍九州豚肉拉麵：呀囡話拉麵好彈牙，湯頭夠濃香，佢話最好食係呢碗面😂😂😂咖哩牛肉撈烏冬：呀仔嘅主食，我都食咗少少，佢嘅牛肉係薄肥牛，幾嫩，最好係個咖喱，非常香濃稠密，烏冬亦爽口，真係好夾👍👍海膽海鮮炒黃金飯：呢個無預期嘅海膽香，但海鮮粒都豐富嘅。 豆腐野菜湯：好鮮甜，奶白色嘅湯，令人食慾大增，呀仔非常喜歡😌😌墨魚嘴唐揚：唔係咁多地方有，外層夠酥脆，而不油膩，墨魚嘴都幾彈牙，唔錯。 👍炸雞配芝士醬：炸塊正常，但個
環境：
地方夠大，有日式卡座，牆身貼左啲日本背景海報，都好舒服。地方亦乾淨企理，唔錯。
服務：
服務員態度親切,年輕有幹勁，又有禮貌，主動介紹食物。當我哋叫到全枱都係嘢食嗰陣，，其中一個服務員主動加張枱俾我哋放食物，非常細心😍
食物：
三文魚腩壽司：雖然唔算好肥，但夠新鮮，而且大塊，口感好好，長長嘅魚腩摺疊放入口，好滿足。👍👍
鰻魚壽司：醬汁唔會太濃，唔會搶晒鰻魚嘅油脂味，食到鰻魚嘅香👍
蟹柳壽司：我個囡食，佢淨係話好好食😂
法式燒羊排：五六成熟，鎖到肉汁，但又嫩口，羊排自帶嘅脂肪，令到香味濃，口感豐富👍👍👍
九州豚肉拉麵：呀囡話拉麵好彈牙，湯頭夠濃香，佢話最好食係呢碗面😂😂😂
咖哩牛肉撈烏冬：呀仔嘅主食，我都食咗少少，佢嘅牛肉係薄肥牛，幾嫩，最好係個咖喱，非常香濃稠密，烏冬亦爽口，真係好夾👍👍
海膽海鮮炒黃金飯：呢個無預期嘅海膽香，但海鮮粒都豐富嘅。
豆腐野菜湯：好鮮甜，奶白色嘅湯，令人食慾大增，呀仔非常喜歡😌😌
墨魚嘴唐揚：唔係咁多地方有，外層夠酥脆，而不油膩，墨魚嘴都幾彈牙，唔錯。 👍
炸雞配芝士醬：炸塊正常，但個芝士醬好得，濃而不膩，出色。👍👍
炸魷魚鬚：魷魚鬚好有咬口，有小時候茶樓食嘅感覺。👍
鹽燒三文魚頭：好大份，皮脆肉滑，用鹽燒過，帶出鮮味又去腥，都值得。 👍
15吋照燒雞肉潛艇：呢個平靚正，麵包外脆內軟嘅法包，加上自配嘅惹味醬汁，同適量雞肉，起贊，極力推介。 👍👍👍
慢煮雞胸沙拉：正常，雞胸肉嫩，菜新鮮。
總結：
連埋汽水，人頭大約350，食物質素高，捧住個肚走，好過食放題，下次去元朗食日式料理，再來幫襯😋😋
张贴
