濠客蒸氣海鮮 (已結業)

朋友實在太愛食海鮮, 相約元朗食蒸海鮮, 一行四人黎到新開無耐"濠客蒸氣海鮮", 哈哈。。。每次點餐時都要煩惱揀邊個餐, 今次有四個人就叫咗黃金套餐同鑽石套餐各兩個。店員會先落咗南瓜同米做粥底, 跟住有三文魚同北寄貝刺身, 而蒸海鮮第一樣先黎頂角蟹膏, 勁爆膏, 滿滿的橙黃色蟹膏, 睇見都流口水。 澳洲龍蝦都有成隻碟咁長, 夠新鮮啖啖肉。跟住有貝殼類海鮮, 台灣蟶子、 北海道元貝、 南海貴妃蚌、 鮑魚、 象拔蚌、 青口同海蝦等, 好新鮮肥美同鮮甜彈牙👍鑽石套餐仲會加送肉, 唔怕淨係食海鮮唔夠飽, 牛肉肉質唔韌又夠牛味。蔬菜藍有粟米、 秋葵同娃娃菜, 粟米好甜, 娃娃菜係我至愛, 秋葵就留返男人食😂最後梗係仲有吸哂海鮮精華既南瓜粥啦, 鮮甜又夠綿, 雖然已經好飽但都食咗兩碗仔💕總括黎講, 海鮮夠新鮮大隻, 呢個價位其實性價比高, 店員服務都好周到, 食得舒服, 連平時愛吃海鮮既朋友都好滿意👍👍👍