微酵烘焙 (已結業)

做完野經過元朗廣場，行到2樓adidxs隔離開左間新開既烘焙麵包飲品店，見到有好多學生同主婦排隊買野俾錢，即刻入去睇下有咩好食👀入到去見到有好多麵包🥯，價錢最平$8已經有得賣，有抹茶🍵紅豆同朱古力🍫😋另外仲有兩種金磚麵包$15，有香蒜同花生🥜味而我就揀左香蒜味，另外再買多左一個台式麵包，特別在竟然有黑糖珍珠喺個包裡面！ 😋原本諗住買2個包就算，但睇到好多人排隊等野飲，似乎好好味咁，問下收銀姐姐有咩推介，佢介紹左佢地既招牌飲品：黑糖珍珠鮮奶茶$36等左一陣就有得飲，杯野分左4層，底係黑糖珍珠，上面係鮮奶、紅茶，到頂層係鮮忌廉，上面仲有朱古力粉，入口珍珠好有咬口，黑糖味微微滲出黎。我自己試過老X堂，佢個黑糖奶茶甜到賴屎，冇得揀甜度，但依個可自己揀甜度，我叫左微糖，茶味甘香，鮮忌廉好香奶味，同普通starbuxk差得遠！飲完杯茶再食埋個包，香蒜個麵包好鬆軟，好勁蒜茸味，不過就真係好濃，食完成口都蒜茸味🤣，要飲返啲水清一清個口，而黑糖珍珠包就好香黑糖味，夠晒獨特，岩晒鍾意試新野既我😂😂😂整體依間麵包飲品店堅唔錯，價錢適中，值得一試！