天龍咖喱

营业中

休息中

之前去過元朗天龍咖喱，覺得佢不論係咖喱，定係其他食物都好好味。所以今次同朋友再去幫襯。今次我哋叫咗⭐️咖喱牛腩牛筋飯。咖喱好香滑，牛腩腍得來係爽口，好入味。香濃嘅咖喱汁餸飯一流。⭐️香煎魚柳飯。魚柳外面有蛋一齊煎，所以煎得好香，魚肉好滑。⭐️天龍雞皮卷。外面係脆脆嘅雞皮，入面包住雞肉，雞肉好滑。配上甜辣醬，好好味！極力推介呢款小食。⭐️順德炸鮮奶（兩件）。鮮奶好滑，甜度適中。外脆內軟。⭐️夠薑大話可樂。第一次飲呢杯飲品，好好飲。加咗薑味同話梅，好開胃解渴。餐廳職員服務態度好好，好有禮貌。去元朗如果想食一間好味嘅小店。我覺得呢間係好好嘅選擇。