影片
更多
2017-04-09
235 浏览
前幾日經過見到呢間千賀水產正式試業，今日就搵埋老公阿女一齊嚟試下間新嘢啦。 門口大大隻字寫住 磯燒放題水產， 好期待食海鮮呀~仲有個banner 睇落價錢都唔算貴喎 ~入去睇下個質數先， 餐廳環境正常啦，有啲卡位都幾舒服。每一張枱都有個磯燒爐等住你燒海鮮 ，我哋坐低咗睇下啲餐牌先，都幾多嘢揀喎 ~黎到梗係主打睇睇啲海鮮先啦，先黎一盤海鮮拼盤，上枱大碟到阿女嘩嘩聲呀~有大蝦，帶子， 燒蟹蓋 ，大蜆，樣樣野都好大分㗎。睇下隻大蝦， 成隻筷子咁長㗎 。服務員立即放上去幫我哋燒， 一燒出嚟啲蝦好香， 睇住喺度燒已經流曬口水。 大蝦燒出嚟食落好新鮮， 啖啖肉唔痴殼，好香口 ，我一個人食咗五隻呀, 仲要係無限添加，淨係食大蝦都抵 ！ 另外帶子鮮甜，一啲都唔un，我想像中平時燒帶子呢會好un㗎嘛，呢度竟然唔un同好鮮甜。海蜆冇沙，好大粒，多肉，非常甜美。蟹迷既我，最愛梗係燒蟹蓋啦，蟹蓋裏面有蟹膏蟹柳撈埋一齊， 味道非常鮮甜，真係想食多幾個。再叫咗個蟹皇海膽粥 ，上枱有蟹膏海膽，嚟到先煮畀我哋睇， 呢個粥好好味， 小朋友都啱食， 加埋隻蛋鮮甜無比。另外要一讚嘅係啲壽司，壽司質素比一般放題既壽司 好，啲
仲有個banner 睇落價錢都唔算貴喎 ~
入去睇下個質數先， 餐廳環境正常啦，有啲卡位都幾舒服。
每一張枱都有個磯燒爐等住你燒海鮮 ，我哋坐低咗睇下啲餐牌先，都幾多嘢揀喎 ~
黎到梗係主打睇睇啲海鮮先啦，先黎一盤海鮮拼盤，上枱大碟到阿女嘩嘩聲呀~有大蝦，帶子， 燒蟹蓋 ，大蜆，樣樣野都好大分㗎。
124 浏览
0 赞好
0 留言
74 浏览
0 赞好
0 留言
服務員立即放上去幫我哋燒， 一燒出嚟啲蝦好香， 睇住喺度燒已經流曬口水。 大蝦燒出嚟食落好新鮮， 啖啖肉唔痴殼，好香口 ，我一個人食咗五隻呀, 仲要係無限添加，淨係食大蝦都抵 ！
另外帶子鮮甜，一啲都唔un，我想像中平時燒帶子呢會好un㗎嘛，呢度竟然唔un同好鮮甜。海蜆冇沙，好大粒，多肉，非常甜美。
蟹迷既我，最愛梗係燒蟹蓋啦，蟹蓋裏面有蟹膏蟹柳撈埋一齊， 味道非常鮮甜，真係想食多幾個。
再叫咗個蟹皇海膽粥 ，上枱有蟹膏海膽，嚟到先煮畀我哋睇， 呢個粥好好味， 小朋友都啱食， 加埋隻蛋鮮甜無比。
另外要一讚嘅係啲壽司，壽司質素比一般放題既壽司 好，啲飯握得鬆軟淋淋，唔會硬，屋企人都大讚，最愛火灸三文魚壽司~
刺身方面，我哋叫左甜蝦，帶子，油甘魚，希靈魚，三文魚，估唔到帶子都可以任叫， 樣樣都新鮮，唔會有腥味~
呢個迷你有機紫薯餅， 阿女激讚，燒出嚟熱辣辣好香口，仲要係有機嘅，啱曬小朋友食~
天婦羅方面，我哋嗌咗兩次，次次上枱都熱辣辣，炸得好鬆軟，而且一啲都唔油，質素好高 ，特別最愛海老天婦羅同多春魚天婦羅~
另一個啱小朋友食嘅就係 蟹子芝士bb薯，咁樣食放題有到好，連小朋友都有啲啱食嘅嘢， 當然唔少得係個蟹柳湯烏冬啦 ，我見隔離枱有小朋友既都係叫呢個。
呢個炸蝦卷炸得香脆~
燒物方面，燒鯖魚，燒牛舌， 燒得啱啱好
千賀牛肉鍋， 牛肉味濃 ，亦唔會太鹹 ~
所有嘅熱食，鍋物，我覺得質素都好好千賀焗天火蠔， 每人每次仲可以嗌呢個焗蠔， 雖然唔係話超級大，但係都可以滿足到我想食焗蠔嘅意欲，個cream 汁配合得唔錯， 放題黎講有得叫焗蠔， 簡直可以話係抵~
出面仲有飲品, 雪糕, 小食, 甜品任拎~~ 正!
總括黎講，淨食磯燒海鮮都抵，再加埋有咁多其他款式揀，下次會繼續黎！
张贴
