影片
更多
2020-10-31
106 浏览
秋風起，最岩同朋友圍埋一齊烚下烚下打邊爐呢日小妹同友人闖入元朗昌盛徑食街既「老闆火鍋冰室」，裝潢設計充滿懷舊冰室feel老闆娘招呼十分熱情❤️好快就介紹餐廳好野我地食，呢度晚市主要做火鍋及小菜為主，火鍋湯底、食材款式多籮籮，由魚鰾魚頭湯、海洋湯、牛尾湯至雞煲都一應俱全，仲有岩哂送酒既炸物小菜以下為小妹點左幾款既精選菜式重慶鮮辣雞煲 半隻$128:嘩！$128就食到半隻重慶雞煲可能只有新界西區先搵到啦！叫左超小辣，重慶鮮辣配合足料茜蔥椒蒜香料🧄真係聞到都流哂口水呀雞肉唔會太肥，啖啖肉值得一讚，食完雞件後店員好主動咁為我地移走鍋內香料渣，然後先加重慶高湯，成個火鍋湯底即刻變得無咁多油，真係服務細心火鍋配料：-半份珊瑚蚌$50-半份廣島蠔$40材料好新鮮，半份份量岩岩好，蠔就夠大隻自家製蟹籽墨魚手打滑$68: mix左蟹籽既墨魚滑彈牙得黎帶蟹籽既脆脆口感，小妹建議用匙細細咁刮放入湯內，咁就可以快d熟啦🥬素料：-什菜素盛$58：有白菜、菜芯，葉夠鮮綠-半份百福豆腐$16：邊爐下火必食-一份魔芋絲$20：份量好多，卡路里低，健康邊爐料之選牛柏葉$24：夠爽口！小菜：脆炸魷魚鬚$46大大份魷魚鬚炸得
秋風起，最岩同朋友圍埋一齊烚下烚下打邊爐呢日小妹同友人闖入元朗昌盛徑食街既「老闆火鍋冰室」，裝潢設計充滿懷舊冰室feel
老闆娘招呼十分熱情❤️好快就介紹餐廳好野我地食，呢度晚市主要做火鍋及小菜為主，火鍋湯底、食材款式多籮籮，由魚鰾魚頭湯、海洋湯、牛尾湯至雞煲都一應俱全，仲有岩哂送酒既炸物小菜
以下為小妹點左幾款既精選菜式
重慶鮮辣雞煲 半隻$128:
嘩！$128就食到半隻重慶雞煲可能只有新界西區先搵到啦！叫左超小辣，重慶鮮辣配合足料茜蔥椒蒜香料🧄真係聞到都流哂口水呀雞肉唔會太肥，啖啖肉
值得一讚，食完雞件後店員好主動咁為我地移走鍋內香料渣，然後先加重慶高湯，成個火鍋湯底即刻變得無咁多油，真係服務細心
火鍋配料：
-半份珊瑚蚌$50
-半份廣島蠔$40
材料好新鮮，半份份量岩岩好，蠔就夠大隻
自家製蟹籽墨魚手打滑$68:
mix左蟹籽既墨魚滑彈牙得黎帶蟹籽既脆脆口感，小妹建議用匙細細咁刮放入湯內，咁就可以快d熟啦
🥬素料：
-什菜素盛$58：有白菜、菜芯，葉夠鮮綠
-半份百福豆腐$16：邊爐下火必食
-一份魔芋絲$20：份量好多，卡路里低，健康邊爐料之選
牛柏葉$24：夠爽口！
小菜：脆炸魷魚鬚$46
大大份魷魚鬚炸得卜卜脆，炸粉唔會太厚，而椒鹽粉好香，送啤酒一流
叫左咁多野食，計埋加一收費，埋單都只係$495，淨係食材夠新鮮+惹味小菜+熱情服務已值得回頭入黎元朗打邊爐又一值高質選擇
张贴
