鋒哥廚房 (已結業)

呀媽唔煮飯，走去元朗馬田路80號御庭居地下5號舖的《鋒哥廚房》食放題。餐廳主打羊腩煲任食，食完羊腩煲，仲可以任食雞煲，再打邊爐任食，多款新鮮海鮮任打邊爐食。每位＄288，仲可以由5:00pm食到7:00，超抵食！餐廳顯眼👀，好容易搵架！羊腩煲🐑，羊肉超嫩超腍、羊味超香，肥瘦脂肪比例非常均勻，唔會太油，又唔會太乾，其他配料有支竹，蓮藕，芫茜，蔥，超香，超惹味！麻辣🐔雞煲🍲夠麻辣的麻辣雞煲，麻味夠香，辣味夠辣，用嚟撈飯食，飯食多啲😂雞煲材料十足，又好食又惹味，唔夠食仲可以再添👍打邊爐揀左有營🍅蕃茄🥔薯仔湯底，湯底用新鮮材料煮，原汁原味，酸酸甜甜，好開胃，食完任食羊腩煲，飲呢個湯最適合。火鍋食左生根，響鈴，蠔🦪，帶子，新鮮大蝦🍤，花蟹，水魷魚。新鮮鮑魚，牛肉，豬肉😋