影片
更多
2022-04-25
70 浏览
等咗三個月，終於都開返晚市堂食，Weekend 過嚟元朗搵好嘢食，今日想食泰國菜，朋友試過呢間唔錯。餐牌嘅款式非常多，應有盡有，原來每日都會有午市套餐同下午茶，每日款式都唔同。而家逢星期一至五晚，每晚亦有唔同的菜式優惠。我哋今日就食咗二人套餐，$148，可以喺12款餸入面揀兩款。加$30就可以點泰式明爐蒸烏頭，另一個餸就點左冬陰功大頭蝦湯。套餐加$8 可以點特飲，我哋點左龍眼冰，珍多冰，味道都唔錯，椰汁creamy夠濃味，龍眼冰味道夠清甜，亦有幾多龍眼肉，兩杯都好夠味，但係就唔會好甜，就算啲冰融左，都唔會好淡味。小食拼盤（細$128）食泰國嘢好鍾意食小食拼盤，貪佢乜都有少少，今次個拼盤有沙嗲雞牛串燒，炸魚餅，炸蝦餅，泰式春卷和泰式蝦片。沙嗲醬做得好濃厚，有啲花生粒好香口，雞同牛火喉亦燒得啱啱好炸蝦餅好厚好彈牙，蝦片亦好有蝦味，所有炸嘢都炸得卜卜趣同熱辣辣。明爐蒸烏頭有好多唔同嘅配料，肉碎，芹菜，香茅，南疆，椰菜，香菇等等。個湯酸酸地唔會辣，非常開胃。烏頭魚蒸得好好食，肉質超級滑，一啲都唔鞋口，同埋冇泥味，而且非常大條，食到一半已經有啲飽。值得一讚嘅係呢度嘅侍應非常細心，驚我哋嘅湯凍咗唔
餐牌嘅款式非常多，應有盡有，原來每日都會有午市套餐同下午茶，每日款式都唔同。
而家逢星期一至五晚，每晚亦有唔同的菜式優惠。
我哋今日就食咗二人套餐，$148，可以喺12款餸入面揀兩款。加$30就可以點泰式明爐蒸烏頭，另一個餸就點左冬陰功大頭蝦湯。
套餐加$8 可以點特飲，我哋點左龍眼冰，珍多冰，味道都唔錯，椰汁creamy夠濃味，龍眼冰味道夠清甜，亦有幾多龍眼肉，兩杯都好夠味，但係就唔會好甜，就算啲冰融左，都唔會好淡味。
小食拼盤（細$128）
食泰國嘢好鍾意食小食拼盤，貪佢乜都有少少，今次個拼盤有沙嗲雞牛串燒，炸魚餅，炸蝦餅，泰式春卷和泰式蝦片。
沙嗲醬做得好濃厚，有啲花生粒好香口，雞同牛火喉亦燒得啱啱好
炸蝦餅好厚好彈牙，蝦片亦好有蝦味，所有炸嘢都炸得卜卜趣同熱辣辣。
明爐蒸烏頭有好多唔同嘅配料，肉碎，芹菜，香茅，南疆，椰菜，香菇等等。
個湯酸酸地唔會辣，非常開胃。烏頭魚蒸得好好食，肉質超級滑，一啲都唔鞋口，同埋冇泥味，而且非常大條，食到一半已經有啲飽。
值得一讚嘅係呢度嘅侍應非常細心，驚我哋嘅湯凍咗唔好食，主動幫我哋換個新蠟燭，整返熱啲湯。
冬陰功湯內嘅大頭蝦超級大隻，而且亦夠新鮮。
冬陰功味道非常濃郁，有好香嘅香茅味和南疆味加上其他新鮮配料嘅味道，味道酸中帶少少辣，非常開胃。
最後仲一個小小甜品送，椰汁西米糕，味道都唔錯，埋單$320，冇加一，性價比非常高。
张贴
