老馮茶居 (大棠路)

营业中

休息中

Weekend同女友入元朗行下千色匯嘅時候見到隔離就有好出名嘅懷舊老馮茶居，二話不說就入去試下佢有幾好食！茶樓裝修設計古色古香，彷如停留左係六七十年代嘅老香港，充滿懷舊氣氛，適合一家大小嚟感受下老香港嘅味道。今次叫左幾款點心比大家做個參考：叉燒包：大大個，熱辣辣，好足料。炸芋角：鬆脆，香芋味十足。馬拉糕：大大份，蛋香味好濃，層次豐富。蒸鳳爪：大大隻，份量夠兩個人分享食，非常之入味。招牌牛筋腩腸粉牛筋係出色地好淋好易入口，牛腩爽口食落冇根唔黐牙。懷舊芒果布甸雖然食到好飽不過甜品係另一個胃嚟，所以見到呢個小時候經常食嘅心形芒果布甸就即刻叫嚟食，童年回憶立刻番晒嚟。大家去到茶居一定要叫！