享慢煮意 (形點 I) (已結業)

今日到元朗形點一期Shopping ，一田方向戲院附近搵到一間好好食嘅意大利菜，流心牛角包係我今日嘅目標。店內柔和燈光好有氣氛，播放著輕鬆英文歌，好適合三五知己聚一聚，男女朋友撐枱腳也不錯呢！鎮店之寶龍蝦湯牛角包一定要試，一切開漏出熱辣辣嘅龍蝦湯。煙茄黑毛豬腩意粉~真空慢煮48小時西班牙黑毛豬腩配煙茄汁羅勒巴馬臣芝士。Dinner Set 有時令美饌套餐，抵食，三道菜，包括頭盤，主菜及甜品，頭盤可以揀牛角包、沙津或餐湯，今日餐湯-粟米忌廉湯，又香又滑；主菜都有好多選擇，包括牛、豬、雞、海鮮、青口意粉等等......至尊酥皮海鮮火山煲~ 大塊酥皮蓋面嘅效果，賣相已經十分吸引，聞到香噴噴酥皮香氣，用小槌子一敲裂開，冒出裏面熱辣辣的香味，已經令人垂涎欲滴急不及待，豐富材料包括虎蝦、藍青口、沙白、墨魚配西班牙鮮茄汁；甜品-真空慢煮芝士蛋糕~芝士蛋糕加入自家製果醬特別可口，食西餐一定要有甜品。白桃芝味特飲~採用芝士奶蓋及有氣桃汁，加入莓菓蓉及玫瑰花瓣。整體上食物好有質素，也值得一讚是店員的服務，殷勤招待，耐心講解餐牌上各種美食，給客人親和的感覺好重要啊！