微酵烘焙 (已結業)

公司附近新開左間台式飲品+麵包店，見上星期五有買一送一優惠，就拉埋同事lunch time後一人一杯嘆一嘆！我叫左杯芋頭奶，唔知會有cream係面頭，超哂quota啦今次！不過杯芋頭奶真係幾正，啖啖芋頭肉，只可惜冇得揀冰度同甜度，飲到後期啲冰溶哂就好啖味。另外試飲左兩啖同事嘅橙花甘菊，睇住佢即場焗茶，茶香味幾出，不過覺得熱飲應該好飲啲！係等飲品期間見到有新鮮麵包出爐，雖然價錢有啲貴，但新鮮麵包嘅吸引力太大啦，就帶左一袋麵包番公司同同事happy share。本來想買兩個，當日買兩個包類有8折，不過袋包好多塊又厚，怕食唔哂會浪費，都係試左味先。雖然下午茶三點三先食，都出爐左兩個幾鐘，但仍然好香軟好食。