泰瀾鑊 (朗壹廣場)

营业中

休息中

泰瀾鑊位於元朗康業街8號朗壹廣場地下17-18號舖，由朗屏站步行十分鐘到達，而渣車既朋友可以泊餐廳出面錶位停車場，非常方便。餐廳設有室外座位，亦可以帶竉物一起用膳，餐廳裝潢好有度假泰國feel ，室內室外座位亦好寬敞，門口亦放了一架泰國篤篤車，環境打卡一流。餐廳會送上餐前小食炸蝦片小食拼盤最愛小食拼盤，可以品嘗到不同的小食，小食拼盤有蝦餅、春卷、魚餅、雞丸、雞翼各4件。其中魚餅有濃濃的香茅味，蝦餅爽口彈牙，雞翼炸得入味夠嫩滑。頂級蘭王蛋泰式鐵板蠔餅用鐵板上，一上枱還嗞嗞聲，份量十足，蠔仔夠新鮮，蘭王蛋蛋味濃郁，底下配菜亦有大量芽菜，沾上泰式辣醬，份外滋味。蝦頭膏鮮蝦炒飯炒得有穫氣，炒飯炒得均勻，炒得乾身，粒粒分明，鮮蝦夠大隻，爽口彈牙。