亞蘇爾 (形點) (已結業)

住在元朗，行得最多嘅就係YoHo mall，居然第一次去試亞蘇爾，餐廳主打係葡國Fusion菜，諗起有一段時間都沒有試過葡國菜，抱著又驚又喜的心情和男朋友來食！～亞蘇爾餐廳格局簡潔明亮，燈光及擺設特別和諧、溫暖～～面對著開放式的廚房，可以見到廚師們努力地埋頭工作～～先點葡國雞配飯葡汁幾香口開胃，配飯一流！葡國雞夠嫩滑完全唔＂鞋口＂，薯仔炆得很入味，連埋葡式腸及薯仔夠惹味！葡式香烤脆皮乳豬件配薯菜有脆薯塊及烤蔬菜，份量不算太多，二人分享還可以吧！～脆乳豬外皮夠香脆可口，入口＂卜卜＂聲，內裏則十分嫩滑，外脆內軟，記得點埋特製醬汁先夠風味！葡式肉腸炒雜菜清新健康之選～～整體來說，亞蘇爾食物精緻，味道不俗，店員服務亦貼心，只是略嫌食物份量較為小巧～～下次有機會再試試不同菜式和葡撻！