影片
更多
2015-05-23
1037 浏览
話說有位唔痴家既朋友總愛早出晚歸...就算今朝黃色暴雨...都要出街逛逛...今次目的係呢間新開既茶居...而我呢...話哂都係元朗人...總要盡下地主之宜...招呼一下呢位遠道而來既朋友吧！！！茶居位處於大街...都唔算難搵...佢既賣點係懷舊feel...未踏入門口...已經見到老闆特意設計既裝修...會煮飯既C9對呢d柴米油鹽應該唔會陌生吧！！！！絕左種既casette機...你地見過幾多部？！？！呢d摺枱摺櫈...係你地屋企又收埋左幾多張呢？？！！公雞碗筷係咪好有親切感呢！！？？茶居既茶芥每位6蚊...但留意係無普洱的...講到野食...一張紙底面寫哂...都係一般既茶樓點心...絕無花巧...蜜汁义燒腸～腸粉皮唔薄唔厚...料算多...朋友覺得鼓油唔夠味...金牌义燒包～一籠得兩個...唔算好大...皮唔夠鬆軟...朋友覺得餡醬唔夠甜...老馮鮮蝦餃～有2粒同四4粒選～我唔食都要照顧朋友...點比朋友食啦...所以選左2粒...點知侍應落錯單...結果照比4粒我地食...而只收2粒價錢...一粒有兩三隻蝦...都算係咁啦...瑤柱蘿蔔糕～雖然煎得好香...但蘿蔔絲唔多...瑤
茶居位處於大街...都唔算難搵...佢既賣點係懷舊feel...
未踏入門口...已經見到老闆特意設計既裝修...
會煮飯既C9對呢d柴米油鹽應該唔會陌生吧！！！！
絕左種既casette機...你地見過幾多部？！？！
呢d摺枱摺櫈...係你地屋企又收埋左幾多張呢？？！！
公雞碗筷係咪好有親切感呢！！？？
茶居既茶芥每位6蚊...但留意係無普洱的...講到野食...一張紙底面寫哂...都係一般既茶樓點心...絕無花巧...
蜜汁义燒腸～腸粉皮唔薄唔厚...料算多...朋友覺得鼓油唔夠味...
金牌义燒包～一籠得兩個...唔算好大...皮唔夠鬆軟...朋友覺得餡醬唔夠甜...
老馮鮮蝦餃～有2粒同四4粒選～我唔食都要照顧朋友...點比朋友食啦...所以選左2粒...點知侍應落錯單...結果照比4粒我地食...而只收2粒價錢...一粒有兩三隻蝦...都算係咁啦...
瑤柱蘿蔔糕～雖然煎得好香...但蘿蔔絲唔多...瑤柱完全唔見...
甜醬要問先有...但遲遲未送來...等得黎蘿蔔糕都凍哂...
四寶滑雞紥～雞紥都好大件...薄薄滑滑既腐皮最好味...棉花亦好入味...平時食開既芋頭變左蟹柳...
杞子桂花糕～朋友至愛...難得早餐都有得食...顏色較深...相信係用蔗糖製成...杞子好多...甜味出哂黎...口感比較水...彷似入口即溶...
奇怪呢度係中式茶樓...居然有西式餐飲...於是乎就叫左杯濃滑奶茶同冰凍奶茶試下～熱奶茶有兩層組合...上茶下奶...鍾意飲濃茶既就最啱...好似飲梗幾包紅茶咁...完全唔覺有奶味...一d都唔滑...而朋友既凍奶茶...白雪雪咁...完全無味...
新店開張...似乎人手不足...廚房出菜算快...水吧反而較慢...加茶取醬亦要三催四請...只得一位侍應...要做埋收銀果份...仍見落力有禮...值得一讚...
张贴
