緣聚 (已結業)

🐻元朗唔多日式放題，今日去左元朗嘅緣聚試試，唔單止多嘢食質素仲唔錯😌食物上枱速度極快，唔會漏單仲熱辣辣🙌🏻⭕️任食再升級總共146品任食，生蠔🦪任食生啤任飲🍺⭕️刺身新鮮，刺身蝦鮮甜，三文魚肥美，其他魚類都好好食⭕️串燒有好多種類揀，唔會燒得好乾，亦都唔使等好耐好快就上到枱⭕️仲有好多貴價特色小食，好似甲羅燒/蟹粥/鵝肝多士，個蟹粥真係好足料勁好食👍🏽👍🏽⭕️都有好多種類，當然唔會食得晒，因為唔可以浪費我哋淨係叫咗個壽喜燒牛鍋已經好滿足⭕️今次就冇食啲榴槤同香芋炸波波，反而食咗個榴槤芝士多士，驚奇地好食🫶🏻⭕️佢哋除咗罐裝紙包飲品任飲仲可以叫即沖飲品，熱嘅好似有柚子蜜桂圓茶另外凍嘅都有啲梳打特飲，比平時放題多選擇⭕️甜品方面除咗雪糕雪條任食亦都有幾款唔同甜品可以叫，好似木糠布甸，芝士撻，同鯛魚燒等等，如果鍾意多選擇嘅朋友十分滿足♾️⭕️除咗罐裝啤酒之外，仲有生啤/清酒/梅酒任飲，三五知己嚟呢度任飲任食直頭爽夾抵💰