極尚大瀛喜日本料理

营业中

休息中

有一段時間冇去過元朗， 搭車嘅時候， 見到入大馬路前有一個好大嘅新商場， 近聖誕節，個商場嘅佈置都好靚， 商場嘅通道都好闊落， 幾好行。 行咗個幾兩個鐘， 開始肚餓搵嘢食， 同行朋友話想食日式放題， 然後去睇下個水牌， 搵到有一間 極尚大瀛喜， 價錢係238一位， 都幾抵， 所以去試。餐廳好大估計差不多坐到200人, 裝修都豪華， 座位闊落， 枱櫈地板都乾淨。入座時， 見到有自助飲品櫃好多選擇， 有自助雪糕櫃有我至愛嘅脆皮雪條， 自助雪糕吧等。通常成日式放題 ，第一時間就係叫刺身， 上菜速度好快， 因為人數唔多， 所以第一輪刺身都唔算叫得多， 啲刺身都好新鮮， 咁啱呢盤刺身嘅三文魚係魚腩位置 所以好肥美。然後叫咗啲特色壽司， 有三文魚腩壽司， 黑松露大蝦壽司， 左口魚壽司等..呢度啲熟食燒羊扒都好正， 佢用咗孜然調味。熟食仲有鹽燒大蝦， 鹽燒牛脷， 芝士蘑菇釀雞翼 等， 個芝士蘑菇釀雞翼超正， 我叫咗兩次。仲有叫咗啲卷物同埋天婦羅。食咗一輪， 再叫多咗一次刺身， 同埋啲小食， 呢餐飯全程上菜時間都好快， 啲食物數量都嚟得好準， 因為之前試過食其他放題， 試過上錯嘅數量畀落單嘅數量少。