土耳其風格 (已結業)

這間土耳其餐廳已於又新街開業一陣子, 但一直都沒有幫襯, 終於有一日遲左放工, 入左去試。眼見鄰座的烤雞很大一份, 我們只有兩個人, 所以只點了Tandoori chicken, 羊肉捲, Samosa, 又點了一杯未試過的薄荷茶。Samosa唔係太辣,不過好香咖哩味,又唔會太濃。 羊肉捲,我見廚師落左好多土耳其一種綠色的芥辣, 但食落唔太辣, 同其他土耳其醬汁混埋一齊, 味道配合得好好, 羊肉亦唔係好膻, 完全唔靭。 Tandoori Chicken,兩塊雞胸及兩隻雞鎚, 呢個普通啲, 唔係太出色, 但亦唔差。值得一提, 餐廳內的廚師及員工,應該都係土耳其或尼泊爾人(真係唔知,因為無問), 以前有食評話佢地無乜招乎。雖然佢地無好似話好好客,但其實佢地都好nice,只可以話民族性格;亦因為咁,餐廳內的食物亦有當地特色, 我地食得好開心。