B-mix 燒肉餐酒館 (已結業)

我覺得最開心就係同朋友食日式燒肉❣️位置鄰近西鐵站，行幾分鐘就到，餐廳空間感好大，仲要獨立房間，大讚係可以坐梳化🤭檯與檯都有一定空間，食完一餐都無油煙味👏🏻🐮牛小排肉味都勁濃，多肉汁，燒耐左都唔會乾。🐓薩摩赤雞腿肉份量幾大，調味唔錯，肉質彈牙。🐓薩摩赤雞爽肉我最鐘意就係佢了，除左彈牙再帶爽口，加少少鹽已經好好味。🐷伊比利黑毛豬肩前排我最怕燒豬肉就係勁油🙈但呢隻豬肩唔肥膩亦幾有咬口，淡淡既油脂幾香口。✨食日式燒肉除左叫啤酒係好配塔外，香姐都介紹隻水果梳打俾朋友們你地🤭佢唔太甜，唔係假藥水味，入口好清爽架～我同朋友分別叫左蘋果🍎同桃🍑味，特別啱女仔飲👯‍♀️