爆辣冷麵 (已搬遷) 新店位置

呢間開左6年嘅小店 爆辣冷麵 都談得上係元朗名物 亦係經典透明袋撈撈嘅變奏版！玩開音樂嘅老闆非常愛辣，秘制辣醬要煮成3小時先做到夠辣夠香！爆辣冷麵 （由爆爆爆-唔辣7個選擇）如真係好想回顧番經典透明袋裝款亦都有供應！其中爆多蟹籽冷麵 更係鎮店招牌！爆多蟹籽到睇唔到麵係特色，麵質爽滑彈牙條條分明，每啖入口都有蟹籽卜卜口感，香辣得黎有後勁！ 最近愛茜嘅人多左店主亦加添芫茜口味！透明袋袋自選餸想當年一條水魷斬開4-5截就一個餸，而家成條食先夠爽。 仲有魚片、牛肚、豬腸等等等主要食口感，拌勻辣汁夠惹味！