野川拉麵の深燒食堂

营业中

休息中

今日工作到好夜，去左元朗食燒夜，黎到「 野川拉麵の深燒食堂」雞軟骨即叫即炸，熱辣辣，脆卜卜。乳酸梳打野飲係超超超大杯，係成份menu咁高既啤酒杯，cp值超高，飲成晚都夠。燒牛舌夠嫩夠彈有咬口。澳洲M5和牛差小小太薄，不過都有肉味既，如果係厚身既會更好更多肉汁保留到。燒五花腩油脂夠多夠香，非常惹味。燒雞泡魚乾好有離島既小食感覺，食完好似去左長州啊。燒蔬菜方面，燒韭菜、燒大蔥就正正常常啦，鍾意重口味既人士要試下。燒茄子夠大條，上面鋪滿蒜蓉，蒜香蒜味十足，配埋一大條茄子肉食，正啊。壽喜燒都正，湯底味道調得唔錯，甜甜地可以清下燒烤既油膩感覺。