Paul Cafe & Bistro (已結業)

今日同朋友入咗元朗行街，行到攰攰地搵間Cafe坐下，上OpenRice搜尋，就喺附近有一間，望落去都幾吸引，所以去咗試吓。Paul Cafe & Bistro 地址係元朗仁樂坊5號利發大廈地下D號舖。餐廳裝修得好有格調，好有懷舊復古feel，旁邊一部黑膠碟機充滿懷舊風情。一邊食餐廳播住啲音樂非常舒服窩夫全日早餐，賣相真係好靚，尤其是個炒蛋做到成朵花咁，先試下個窩夫外脆內軟，口感特別，裏面熱辣辣外面脆卜卜。炒蛋亦都做得好出色蛋味香濃，入口口感非常幼滑。Parma Ham配哈蜜瓜真係完美嘅配搭，沙律菜同車厘茄都好新鮮，入口味道清新，煙三文魚都捲到好似玫瑰花一樣，入口香滑味道鮮甜。呢個早餐除咗賣相好之外，相當有營養。明太子軟殼蟹意粉，呢個簡直係必食推介，明太子味道好鮮，帶少少鹹香，軟殼蟹亦都炸到好酥脆，意粉亦都做得啱啱好，軟硬度適中食落去有口感，好鍾意呢個味道。每人配一個南瓜忌廉湯加餐包，忌廉湯口感香滑，陣陣嘅南瓜味感覺好清新，配餐包真係一絕。最後梗係要整杯咖啡嘆下，焦糖咖啡味道香甜，焦糖味糖冋咖啡味配搭得啱啱好。