桂花小幸 (元朗廣場)

营业中

休息中

今日同媽咪針灸完之後見到元朗開咗間台灣嘢，之前喺將軍澳食過覺得都唔錯，所以就同媽咪嚟試吓。佢呢度嘅裝修都係行文青風，亦都有唔少卡位/梳發位，都幾舒服。媽咪就叫咗個排骨肉操飯，佢個肉操飯都幾好味，唔會太咸，肉碎嘅份量又啱啱好。但係個炸排骨就真係乾咗啲，原本佢嘅炸粉其實本身唔厚，但唔知係咪返咋嘅原因令到成塊豬扒好乾。而我自己就帶咗個三寶牛肉麵。佢個牛肉湯都幾好，甜甜地咁，唔係藥材味嗰種。佢啲牛腩都真係好腍，好入味，唔錯。啲牛筋亦都真係諗到入口即溶，好有補充骨膠原嘅感覺。而佢個面都確實幾好食，夠晒彈牙。飲品我自己就揀咗個白桃烏龍蘆薈，淡淡的土味再加埋微甜嘅茶，我覺得幾好飲。媽咪就試咗佢哋嘅鐵觀音珍珠奶茶，佢呢度啲茶全部都係有個茶包喺入邊，所以茶味都好香。最後我試埋佢個仙草甜品，入邊有好多配料，有珍珠紫薯椰果，感覺都幾滿足。