京滬村 (已結業)

🇨🇳京滬村-元朗都有上海菜食！今次司令就下午茶時間同朋友去左京滬村啦，下午茶時間全單六八折🕒，都幾吸引喎！-南翔小籠包 ($36)一籠四隻小籠包都十分飽滿😍，皮薄而餡料充足，咬開湯汁滿瀉，點少少醋食已經好正。-熊貓奶黃包 ($32)熊貓奶黃包造型特別🐼，但可惜既係上枱時已經得返微溫😫，奶黃唔夠流心，味道較淡，唔算突出。-四川擔擔麵 ($48)司令對於佢個擔擔麵有啲失望🤔。份量唔算多，而且花生味道唔夠濃，即使將湯麵撈好都係好淡味☹️，呢點好需要改善！-三鮮鍋貼 ($32)鍋貼隻隻飽滿，而且十分香脆。點少少醋放入口，咬落去都有唔少肉汁爆出黎👅💦。菜同肉既比例尚算平均，呢個推介！