N+ BURGER

放假就同屋企人行下新商場啦，行到咁上下見餓餓地，就食番個下午茶😊就去左新既啟德零售館2，試左呢間N+Burger。點餐後都等大概20分鐘左右就拎得啦😀今次就叫左經典漢堡套餐，除左有包之外，仲加$10有一杯泡沫咖啡，同埋BBQ醬配薯角。個包皮係用左酸種包，所以相當軟熟，餡料都好豐富，有芝士🧀、紫洋蔥🧅、生菜🥬、煙肉🥓(仲要係脆架)，當然唔少得有牛啦，用天然安格斯🥩，果然唔同啲。仲有一樣要讚既就係個薯角，即叫即炸，熱辣辣相當香口。舔舔脷指數👉🏻5.5😋/10😋滿分 可以一試😋