影片
更多
2023-01-15
507 浏览
難得放假早起身，約左朋友出尖沙咀食午餐，搵左間坐得舒服又可以打下卡嘅餐廳，估唔到原來係K11入面有間關於元宇宙科幻主題嘅cafe餐廳好有空間感，灰黑色系裝修，有一面牆身有一個個圓型洞穴，打卡一流坐低後店員介紹返Lunch set menu有幾款比較受歡迎嘅菜式而是日餐湯係蕃茄湯，蕃茄味濃得黎又唔會過分酸，味道剛剛好，入口順滑又creamy午餐叫左一份Cave 四部曲，入面一共有四種食物菜式，包括鮮芒果莎莎海蝦沙律、黑松露吉列豬扒、溫泉蛋卡邦尼意大利粉同炸軟殼蟹，可以一次過食哂想食嘅野沙律以柚子醋作拌沙律嘅醬汁，味道酸酸甜甜，增加左食慾，好fresh夠開胃吉列豬扒炸得酥脆可口，肉質雖然較瘦，個口感唔乾身之餘仲有少許肉汁，面頭配左黑松露醬一齊食，增添左香味炸軟殼蟹同吉列豬扒一樣炸得酥脆，炸粉適中，又唔會太過油我個人幾鍾意個溫泉蛋卡邦尼意大利粉，溫泉蛋蛋汁再拌匀意粉當中，食落好香蛋味又creamy，一啲都無食完口渴嘅感覺，重點夠多汁，加上意粉口感爽滑彈牙，煮得剛剛好，真心有驚喜另一個午餐點左美國安格斯西冷配薯菜，牛扒我地點左五成熟，但我地切開嗰時覺得過熟左少少，可能三成會好啲，食落口感適中，
餐廳好有空間感，灰黑色系裝修，有一面牆身有一個個圓型洞穴，打卡一流
坐低後店員介紹返Lunch set menu有幾款比較受歡迎嘅菜式
而是日餐湯係蕃茄湯，蕃茄味濃得黎又唔會過分酸，味道剛剛好，入口順滑又creamy
午餐叫左一份Cave 四部曲，入面一共有四種食物菜式，包括鮮芒果莎莎海蝦沙律、黑松露吉列豬扒、溫泉蛋卡邦尼意大利粉同炸軟殼蟹，可以一次過食哂想食嘅野
沙律以柚子醋作拌沙律嘅醬汁，味道酸酸甜甜，增加左食慾，好fresh夠開胃
吉列豬扒炸得酥脆可口，肉質雖然較瘦，個口感唔乾身之餘仲有少許肉汁，面頭配左黑松露醬一齊食，增添左香味
炸軟殼蟹同吉列豬扒一樣炸得酥脆，炸粉適中，又唔會太過油
我個人幾鍾意個溫泉蛋卡邦尼意大利粉，溫泉蛋蛋汁再拌匀意粉當中，食落好香蛋味又creamy，一啲都無食完口渴嘅感覺，重點夠多汁，加上意粉口感爽滑彈牙，煮得剛剛好，真心有驚喜
另一個午餐點左美國安格斯西冷配薯菜，牛扒我地點左五成熟，但我地切開嗰時覺得過熟左少少，可能三成會好啲，食落口感適中，唔會好乾身，牛味比想像中無咁濃味，不過不失
飲品叫左凍泡沫咖啡同水蜜桃乳酪沙冰，咖啡都唔錯，糖水自己落，唔洗怕太甜或無甜，沙冰飲落幾fresh又唔會好甜
最後仲影多幾張相先捨得走，食野傾計感覺都舒服，整體幾欣賞Cave四部曲，有齊咁多野食之餘，意粉係有驚喜，下次黎會點其他意粉試下🥰
张贴
