YOLO (已結業)

今日入將軍澳去探阿妹，之後一齊去咗新都城商場行吓，阿妹知道附近開咗一間好靚嘅高級西式餐廳，叫YOLO,提議今晚我哋去食晚飯，有新嘢試我當然樂意奉陪。餐廳裝修雅致，又有文清風格的擺設好幽雅，置身其中有一種休閒感覺。照燒黃油雞配烤菠蘿：黃油雞已經切開數件方便食用，雞皮燒得微微焦香，食落香脆充滿油滋味 ，雞肉肉質嫩滑入味，另外還有燒新鮮菠蘿，燒過的菠蘿甜味更濃又多汁。BBQ醬脆炸雞漢堡包：餡料選用酥炸無骨雞腿排、蕃茄、生菜等，炸雞炸至外層金黃香脆，漢堡麵包亦烘咗底，加上BBQ燒烤醬，一口咬下，多重口感又惹味！夏威夷薄餅：餅底係薄底，餡料有菠蘿、火腿、紫洋蔥、芝士和番茄醬。餅底卜卜脆，餡料惹味。一塊接一塊食唔停！