炯記餐室 (沙咀道) (已改名) 查看

今日同朋友去荃灣行街👭💞～行到攰又去咗食炯記～呢間分店第一次去食，嗌咗個大滿足特盛套餐A1，$68就有一個手撕雞飯+一個太子鵝油叉燒撈粗+前菜&老火湯～基本上兩個女仔share嚟食都已經好足夠前菜係涼拌雲耳，又辣又開胃～至於叉燒肥瘦勻稱，啖啖肉，食完都唔會好大罪惡感。而手撕雞具而鹹香，肉質亦唔會鞋口 。鵝油撈麵，色澤靚，食落味道啱啱好，唔會過鹹。我地仲加咗個燒鵝例牌，位置都唔錯～肉質鮮嫩，外皮焦脆，而且價錢公道～所以我地兩個女仔都食得好滿足。食燒味，一定要嚟炯記！