方叔叔重慶老火鍋 (如心廣場一期)

营业中

休息中

天氣又開始凍，最啱就係食麻辣火鍋。渝味曉宇已經改咗名做方叔叔重慶老火鍋。仍然保留左九宮格麻辣大紅鍋，不過今次試鴛鴦鍋，一邊麻辣，一邊係季節限定花膠雞湯鍋。介紹幾個特別啲嘅火鍋料功夫萵荀片成朵花咁靚，特別在刨得特別薄，個口感同厚切完全唔同。特色迷你燕餃燕皮餃係豬肉打成嘅豬肉餃子。肉味特別濃厚，佢細細隻一啖幾粒都幾得意。現炸豆皮比起響鈴，薄薄一塊仲更加香口。鮮滑魚麵魚肉麵質感爽彈，似食緊條狀嘅生菜魚肉。飲品：調酒天王呢個百香果中式雞尾酒利害，濃烈嘅二窩頭酒味配上酸酸嘅百香果又估唔到咁夾維C天王橙汁+洛神花茶，下火又醒胃。其實最令我印象深刻係佢地嘅服務，好細心。開始之前會有雪耳糖水潤一潤，飯後又有薄荷糖。又有圍裙，加水有個特別嘅檔，幫你隔住啲水，出面仲有部衣物除味機可以用，非常貼心。