百樂潮州酒樓 (已結業)

今日去元朗區工作，於是約埋分行同事去元朗形點的伯樂潮州酒樓開餐，呢排成日落雨，所以一行五人搭的士去商場飲茶穩陣啲，連遮都不用帶，去到即刻有位，我們叫了蟹籽粒燒賣，鮮蝦莧菜餃，X〇醬蒸鳳爪，北菰棉花雞。點心全部即叫即蒸，用料新鮮，吃落口完全不覺得肥膩。之前聽營養師講，酒樓點心脂肪重，卡路里高，所以去親飲茶都好怕，吃得多變肥豬。但這裏的點心尤其燒賣和菜餃好明顯見到脂肪極少的，所以非常放心吃。冷盤點了海蜇手撕雞，雞肉一吃便知是新鮮雞，不錯！另外想吃清熱氣的涼瓜，這裏做的涼瓜黃豆排骨，用清湯底所以亦都不覺得膩，午市孖寶－魚香茄子炆鴛鴦米及家鄕梅膏排骨。另外要讚的是家鄉梅膏排骨，有點似甜酸一字骨，但改用梅子味，夏日非常之醒胃。