影片
更多
2020-12-13
79 浏览
因爲午餐時段有85折（60分鐘）優惠，門口姐姐話呢個時間冇乜人，暗示就算過咗鐘，都可以繼續食。於是我哋兩個人，揀咗嚴選牛套餐，昆布湯同蕃茄湯。值得一讚嘅係，佢哋隻碗仔好似個筲箕咁，可以食物多餘嘅水滰乾，唔使食到成兜水。湯底偏濃味，侍應亦會頻頻加湯，所以個湯係會愈食愈濃，口味偏淡嘅朋友可以唔使點咁多醬嘞。醬料有韮菜豉油、芝麻醬、辣油、一般蔥蒜等，選擇都唔少，仲有「三小碟」盛載醬汁，可謂相當細心。誠意推薦呢度嘅辣椒油畀嗜辣嘅朋友，佢辣椒渣非常多，識食嘅一定要少油多渣，咁先至香辣而唔會太油膩。雞肉嘅質素都係佢另一驚喜，除咗切得比較修長，容易啲灼熟，亦都用鹽、糖等調過味，表面撈過油，令肉質保持鮮嫩。呢個做法喺日式火鍋放題比較少見。極上牛肉同豬肩肉唔太肥，油花均匀，有肉味，想肥少少可以試五花肉，不過今次冇影到相。配菜選擇都非常足夠，推介佢嘅淮山、萵筍同年糕福袋。熟食估唔到佢都有三四種，味道比其他火鍋店熟食出色，又有熱燈保持食物温度。另外都有生雞蛋同白飯，可以畀人整雜炊鍋。甜品方面，有朱古力同呍呢嗱味嘅軟雪糕，雪糕還可以，唔會夾雜太多冰碎。仲有自助窩夫機，雪櫃度仲有幾款類似和菓子嘅甜品，不過我就冇
值得一讚嘅係，佢哋隻碗仔好似個筲箕咁，可以食物多餘嘅水滰乾，唔使食到成兜水。
湯底偏濃味，侍應亦會頻頻加湯，所以個湯係會愈食愈濃，口味偏淡嘅朋友可以唔使點咁多醬嘞。
醬料有韮菜豉油、芝麻醬、辣油、一般蔥蒜等，選擇都唔少，仲有「三小碟」盛載醬汁，可謂相當細心。誠意推薦呢度嘅辣椒油畀嗜辣嘅朋友，佢辣椒渣非常多，識食嘅一定要少油多渣，咁先至香辣而唔會太油膩。
雞肉嘅質素都係佢另一驚喜，除咗切得比較修長，容易啲灼熟，亦都用鹽、糖等調過味，表面撈過油，令肉質保持鮮嫩。呢個做法喺日式火鍋放題比較少見。
極上牛肉同豬肩肉唔太肥，油花均匀，有肉味，想肥少少可以試五花肉，不過今次冇影到相。
配菜選擇都非常足夠，推介佢嘅淮山、萵筍同年糕福袋。
熟食估唔到佢都有三四種，味道比其他火鍋店熟食出色，又有熱燈保持食物温度。另外都有生雞蛋同白飯，可以畀人整雜炊鍋。
甜品方面，有朱古力同呍呢嗱味嘅軟雪糕，雪糕還可以，唔會夾雜太多冰碎。仲有自助窩夫機，雪櫃度仲有幾款類似和菓子嘅甜品，不過我就冇試到。
總結：最後食咗差唔多兩個鐘，畀一個鐘嘅價錢。有咁嘅食物質素，上菜速度都幾滿意，以後打邊爐又多個選擇喇！評分：9/10
张贴
