影片
更多
2014-07-30
12699 浏览
今日約左屋企人食飯，決定黎富豪試下個自助餐一行到入去，個環境無咩特別，比起其他酒店仲有小小遜色，但起碼都乾淨企理唔污糟六點半開始食野，第一樣試既就係刺身同壽司，雖然種類比較少，但都幾好食同新鮮👍隔離仲有d松葉蟹腳，石蟹，白蝦，蟶子同青口，d松葉蟹腳有小小鹹味，無咩雪味，係喜歡食蟹腳既好選擇👍之後見到有d燒味，有d好奇就走埋去睇下，因為好少自助餐會有燒味咁特別，原來個度仲有炒河，炒飯同片皮鴨，xo醬炒牛河同叉燒好好食，係油左少少，但都值得推介之後就去左食其他熱盤，見到有安格斯肉眼排同即煎鵝肝，我淨係試左個肉眼排，不過不失都ok其他仲有燒羊脾，芝士焗龍脷柳，咖哩，燒乳鴿，原條蒸石班等等不得不提既就係甜品，完全超乎想像咁好食，黎呢度食真係要試下個榴槤布甸，葡撻，酒煮車厘配雪糕，窩夫同blueberry cheese cake酒煮車厘仲會有即場示範點整，微温既車厘再加上雪糕真係好正，雪糕仲有4款揀，有石板街，呍呢嗱，芒果同薄荷朱古力唯一美中不足既係最好食既榴槤布甸成日無哂，要等廚師拎出黎😭最後要提係飲品，因為我地屋企人真係無酒不歡，決定叫d酒飲下，咁岩有d Hong Kong beers既pr
今日約左屋企人食飯，決定黎富豪試下個自助餐
一行到入去，個環境無咩特別，比起其他酒店仲有小小遜色，但起碼都乾淨企理唔污糟
六點半開始食野，第一樣試既就係刺身同壽司，雖然種類比較少，但都幾好食同新鮮👍
隔離仲有d松葉蟹腳，石蟹，白蝦，蟶子同青口，d松葉蟹腳有小小鹹味，無咩雪味，係喜歡食蟹腳既好選擇👍
之後見到有d燒味，有d好奇就走埋去睇下，因為好少自助餐會有燒味咁特別，原來個度仲有炒河，炒飯同片皮鴨，xo醬炒牛河同叉燒好好食，係油左少少，但都值得推介
之後就去左食其他熱盤，見到有安格斯肉眼排同即煎鵝肝，我淨係試左個肉眼排，不過不失都ok
其他仲有燒羊脾，芝士焗龍脷柳，咖哩，燒乳鴿，原條蒸石班等等
不得不提既就係甜品，完全超乎想像咁好食，黎呢度食真係要試下個榴槤布甸，葡撻，酒煮車厘配雪糕，窩夫同blueberry cheese cake
酒煮車厘仲會有即場示範點整，微温既車厘再加上雪糕真係好正，雪糕仲有4款揀，有石板街，呍呢嗱，芒果同薄荷朱古力
唯一美中不足既係最好食既榴槤布甸成日無哂，要等廚師拎出黎😭
最後要提係飲品，因為我地屋企人真係無酒不歡，決定叫d酒飲下，咁岩有d Hong Kong beers既promotion，見到咁特別係香港出產，身為香港人無理由唔支持下既，買三支仲有優惠，個陣係第一次試，咪叫經理介紹下，佢叫左我試一隻叫hong kong beer，超正👍，唔苦好易入口，岩哂我呢d唔鐘意苦味既人，好飲過其他大牌子，鐘意飲酒既真係要黎試下
最後埋單，原本我都無預有咩優惠，點知個待應見到我用匯豐卡比錢，即時幫我改左張單，用65折，折左之後每人都唔洗300蚊（無包酒），真係超平👍👍👍
三百蚊唔洗就有咁既服務，咁既美食，完全係超值，下次有咩gathering,我都會揀返呢度😍😍
张贴