大將 (已結業)

試新店。試新店。將軍澳Poporn 開左間新食肆。今天我地一家四口去呢間呢新開幕叫大將既日式火鍋店慶祝母親節。去到Poporn, 離遠已經見大將門外人頭湧湧，而我變得心情興奮。一入大將，右手邊就係一個迷利超市，賣既係一啲日本飲品、醬料、小食、肉類等等。大將原來好大架，店員帶位，越行越有。裝修夠哂日本風，店內又有啲日本將軍既大型公仔。呢度係一人一鍋打邊爐，我哋分別叫左花生沙嗲、昆布湯、豚骨湯同雞白湯。我自己既豚骨湯，濃郁得黎清淡，試過哂屋企人幾款湯底，各有特色，款款都唔錯。呢度既自助飲品區有唔同款式野飲，除樽裝野之外，有自斟汽水，又有咖啡，朱古力嗰啲。呢度醬料都幾有新意，椰子莞茜醬、豉油韭菜，味僧芝麻醬等，我就最鐘意味僧芝麻醬。呢度啲牛真係好正好靚仔，塊塊都好有牛香，唔肥膩，忍唔住食左好多碟呀。呢度既自助配料，我就最鐘意有年糕福袋、芝士豆腐、日本豆苗、蒟蒻麵、萵筍同秋葵。最後食埋個雪糕同自制窩夫，棒住個肚走，媽媽好滿意，好開心。