響 - Hibiki 日本燒肉 (已結業)

今日難得放假，米同老公上網揾定去邊度食晚飯好，老公提議話不如食放題，但我又想食燒肉，不過都難唔到我，俾我揾到間評語唔錯，又滿足到我地2個要求既燒肉放題，係佐敦mtr行幾分鐘就到，唔難揾。一坐低，每人送半隻龍蝦，又大隻又多肉，依度通風好好，食完唔會成身味。隻龍蝦成隻前擘咁大隻，幾多膏，啖啖肉。燒肉款式好多，剩係牛肉都有6-7款，仲有豬同雞食。雞肉串好有驚喜。食得放題，邊少得天婦羅，炸蝦好大條，好新鮮，仲有炸芝士年糕，又有榴槤炸彈。芝士年糕雖然食親放題都有食，但依間堅好食，同平時食既好唔同，好煙硬。榴槤炸彈入面榴槤爆晒漿。燒肉款式都好多，牛肉有唔同部位，仲會有埋牌，等你自己知食緊咩部位。枝豆真係好好食，恰得剛好飲品竟然有我最愛既酸梅湯，飲完食野都唔會漏，仲食多左。睇下，幾多選擇最後要提一提，店舖消毒衛生做得好足，俾顧客食得好安心。抵讚！