影片
更多
2020-06-02
54 浏览
家姐上次食完返嚟係咁話好好食.佢知我鍾意食泰國菜.所以叫我一定要去試吓.咁就跟佢去試吓啦。佢驚我唔知邊間.特登影咗門口隻公仔比我認。🤣去到門口.原來係隻好大嘅吹氣公仔.望住佢有莫名嘅喜感.未入門口已經有愉快心情.入門口前都做足防疫措施。👍🏻第一次食乜都想試吓.所以都叫咗好多款.上菜速度都算快.態度好亦會幫忙執位👍🏻首先嚟到嘅係冬陰功.賣相幾好.好足料.味道香濃到位。再嚟係明爐香檸汁蒸烏頭,呢樣係我食泰國菜必叫嘅.一嚟到已經香噴噴.檸檬清香撲鼻.食慾大增.味道口感都無令我失望。跟著到串燒嚟到.我哋叫咗3款串燒.泰式臘腸,安格斯牛柳粒同埋豬肉串。豬肉串又係我食泰式串燒必定叫嘅.配搭嘅沙嗲汁間間都有佢唔同嘅特色.今次呢個係偏甜.用粗粒花生調配.令口感更豐富。泰式臘腸我係第一次食.望落去同中式臘腸好似.原來食落都似.🤣不過唔同嘅係.泰式比較粗啲圓潤啲.因為係串燒.所以食落有燒過嘅焦香.超正。安格斯牛柳粒燒得夠林.牛味都重.筋位燒到焦焦地.口感同味道都好好.咬完唔捨得吞。😍咖喱炒蜆都係第一次食.唔係好食得辣嘅我都食到.味道同出面一般嘅咖喱有少少唔同.好似多咗一種香料嘅味.係好食嘅.蜆肉粒粒都飽滿
佢驚我唔知邊間.特登影咗門口隻公仔比我認。🤣
去到門口.原來係隻好大嘅吹氣公仔.望住佢有莫名嘅喜感.未入門口已經有愉快心情.入門口前都做足防疫措施。👍🏻
第一次食乜都想試吓.所以都叫咗好多款.上菜速度都算快.態度好亦會幫忙執位👍🏻
首先嚟到嘅係冬陰功.賣相幾好.好足料.味道香濃到位。
再嚟係明爐香檸汁蒸烏頭,呢樣係我食泰國菜必叫嘅.一嚟到已經香噴噴.檸檬清香撲鼻.食慾大增.味道口感都無令我失望。
跟著到串燒嚟到.我哋叫咗3款串燒.泰式臘腸,安格斯牛柳粒同埋豬肉串。
豬肉串又係我食泰式串燒必定叫嘅.配搭嘅沙嗲汁間間都有佢唔同嘅特色.今次呢個係偏甜.用粗粒花生調配.令口感更豐富。
泰式臘腸我係第一次食.望落去同中式臘腸好似.原來食落都似.🤣不過唔同嘅係.泰式比較粗啲圓潤啲.因為係串燒.所以食落有燒過嘅焦香.超正。
安格斯牛柳粒燒得夠林.牛味都重.筋位燒到焦焦地.口感同味道都好好.咬完唔捨得吞。😍
咖喱炒蜆都係第一次食.唔係好食得辣嘅我都食到.味道同出面一般嘅咖喱有少少唔同.好似多咗一種香料嘅味.係好食嘅.蜆肉粒粒都飽滿.我同家姐都認為.呢味餸送飯一流。
最後泰式炸魚餅.喺泰國食過唔少.係我最愛嘅泰國小食之一.但係喺香港唔係間間食得返嗰種泰國味.呢間竟然無令我哋失望.食到我最最最愛嘅檸檬葉味。😍
呢餐飯食得好滿足.滿足到食唔曬最後嚟嘅魚餅.所以決定打包比屋企人分享.職員見我哋食唔曬.即刻問我哋係咪唔好食.好欣賞佢哋主動了解同接受顧客意見嗰份心.真係唔係間間做到。
张贴
