吃吧 (僑建大廈) (已結業)

上次朋友介紹，來過吃吧一次嘆啤酒，覺得地點方便，環境夠清靜又舒適！所以今次特登再返去試埋佢嘅晚餐，佢嘅食物質素果然冇令人失望。一來就叫咗幾杯手工啤同飲品。叫咗兩個前菜，煙三文魚凱撒沙律、吃吧特色小食拼盤。主菜叫咗德國鹹豬手，原來個豬手上枱跟埋德國香腸同薯蓉，侍應俾你影完相之後仲會幫你用火燒燒脆豬手嘅皮 。好少食到咁脆嘅皮！ 另外就叫咗軟殼蟹肉醬千層麵、慢煮甜酒會黃牛面頰、仲有一個西班牙魷魚海鮮飯。老實講，每一樣嘢食都好令我哋滿意，特別係個魷魚筒大大件，但係一啲都唔會硬！牛面頰煮得好林，仲好有牛肉味。