鐵板先生 (已結業)

因為是太太生日，佢想食日式鐵板燒，見到餐牌同價錢都唔貴，亦都見到師父會幫客人用食材整卡通公仔賀生日，所以就book咗鐵板先生。去到店舖後，店員好好咁安排咗我哋可以面對師父烹煮的位置，令我哋可以睇到師父烹煮嘅手勢功架。我哋兩人叫咗個龍蝦套餐，內容都好豐富，有沙律、刺身、龍蝦、銀雪魚、鵝肝、安格斯牛扒、炒雜菜、炒飯、龍蝦湯和甜品雪糕/雪米滋。師父手勢好，所有食材都煮到很合我哋口味，而且食材都好新鮮。而師父為太太整嘅公仔圖案也好靚，好似真嘅一樣，太太好開心。無論係師父定其他店員，服務很好，會同我哋傾吓偈，指導我哋點樣食為之最好，真的很感謝，有機會一定會再去食。