八居酒屋 (旺角新城)

营业中

休息中

今日lunch黎食日本野，唔係朋友介紹都唔知依度有間咁抵食嘅日式餐廳。 午市有套餐，包味噌湯、茶碗蒸、醃蘿蔔。味噌湯好清甜，唔似一般整嘅得個咸字。茶碗蒸入面有好多配料，例如蟹柳、菇菇，非常豐富。醃蘿蔔酸酸甜甜好開胃。 第一份套餐係三文魚飛魚籽丼，三文魚好大片，食落口好鮮甜，而滿滿嘅魚籽佈滿整個丼上，每啖飯都咬到粒粒爽甜嘅魚籽。 第二份係蒲燒鰻魚丼，鰻魚燒得好香口，肉質肥美，而白飯撈咗雞蛋絲，一啲都唔寡。 套餐可以追加飲品同小食，我地追加咗忌廉蟹肉薯餅，外脆內軟，入面熱辣辣又綿滑。 飲品點咗日本青檸梳打同白桃梳打，好清香，仲可以一邊歎一邊欣賞風景。